Վերջին օրերին միջազգային գործընկերների ջանքերի արդյունքում պայմանավորվածություն է ձեռք բերվել Կարմիր խաչի միջազգային կազմակերպության (ԿԽՄԿ) միջոցով Աղդամ-Ստեփանակերտ ճանապարհի օգտագործման, իսկ դրանից 24 ժամ հետո՝ դարձյալ ԿԽՄԿ միջոցով Լաչինի միջանցքով երթուղու ինտենսիվացման վերաբերյալ: Նման հայտարարություն է արել Ադրբեջանի ԱԳՆ մամուլի խոսնակ Այհան Հաջիզադեն՝ ի պատասխան այսօր «Կոմերսանտ» հոդվածում հրապարակված հոդվածի:
«Բացի այդ, ադրբեջանական կողմի առաջարկով համաձայնեցվել է Եվլախում հանդիպում անցկացնել Ղարաբաղում ապրող հայերի ներկայացուցիչների հետ, և դրա համար բոլոր լոգիստիկ հարցերը լուծված են: Չնայած այդ բոլոր պայմանավորվածություններին՝ Ադրբեջանի Ղարաբաղ շրջանի հայ բնակչության ներկայացուցիչները վերջին պահին խախտեցին դրանք»,- ասել է Հաջիզադեն:
Նրա խոսքով՝ նման «ապակառուցողական գործունեությունը» և Հայաստանի գործունեությունը, որն «այդ հարցը վերածել է քաղաքական շահարկման գործիքի, ևս մեկ անգամ ցույց են տալիս, որ Երևանը շահագրգռված չէ խաղաղությամբ ու կայունությամբ, ինչպես նաև այդ ուղղությամբ երկխոսությամբ»:
«Միևնույն ժամանակ նշված քայլը ծառայում է տարածաշրջանում իրավիճակի սրացմանը, լրացուցիչ անգամ ապացուցում է մարդասիրական նկատառումներով մեղադրանքների անհիմն լինելը»,- ասել է Հաջիզադեն:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
