Երևանի, Նաիրի Զարյան 11-13 հասցեում տեղի ունեցած ապօրինի գործողությունների վերաբերյալ այսօր ներկայացվել է Բողոք-պահանջ:
Բողոք-պահանջը ստորագրագրել են շուրջ 200 բնակիչ: Բողոքի ստորագրահավաքը շարունակվում է:
Բողոք-պահանջի բովանդակությունը հետևյալն է.
Երևանի քաղաքապետի պաշտոնակատար` Լևոն Հովհաննիսյանին
ՀՀ քաղաքաշինության կոմիտեի նախագահ` Արմեն Ղուլարյան
ՀՀ շրջակա միջավայրի նախագահ` Հակոբ Սիմիդյանին
Կարդացեք նաև
Պահանջ
Ազատել զավթված մայթը, վերականգնել այգին, հատուցել պատճառված վնասները և վիճելի տարածքի վերաբերյալ նախատեսվող շինարարական գործունեության նախագծերի մասով նախաձեռնել հանրային լսումներ:
Երևան քաղաքի Արաբկիր վարչական շրջանի Նաիրի Զարյան, Հրաչյա Քոչար փողոցների հարակից տարածքում գտնվող հին տների` հասցե Նաիրի Զարյան 11-13 վերաբերյալ, ոմն Ադամյան Վահրամին Երևանի Արաբկիր վարչական շրջանի ղեկավարը 28.06.2023 թվականին տվել է N 12 քանդման թույլտվություն: Քանդման թույլտվությանը կից ներկայացված է ժամանակավոր զբաղեցնող շինհրապարակի տարածքի նախագիծ, որը ներառում է հետիոտնի ճանապարհի հսկայածավալ հատված: Շինհրապարակի վերացված տարածքում տեղի են ունեցել ծառահատումներ, որոնք աչք են ծակում: Միայն համեմատության մեջ դնելով քանդման թույլտվությանը կից փաստաթղթերի լուսանկարներում առկա ծառերը ներկա վիճակի հետ, ապա արձանագրվում է ծառերի ոչնչացում:
Տարածքը, որը քանդման թույլտվության ներքո դարձել է շինհրապարակ, իրենից ներկայացնում էր այգի և փոքր սեփական տներ: Մեծն Թամանյանի կողմից կազմված Արաբկիր համայնքի հատակագծով Նոր Արաբկիրը պետք է դառնար այգիների համայնք, այլ ոչ թե ցեմետբետոնյա կույտ: Այս տարածքի հին տները հանդիսանում են պատմակա-մշակութային ժառանգություն: Շուտով, 2025 թվականին արաբկիրցիները կնշեն համայնքի հիմնադրամն 100 ամյակը: Համայնքում մի քանի հարյուր ամյա տուն է մնացել և այս քանդված տները այդ մեր հարյուրամյա պատմությունն էին: Ներկայումս կատարված գործողությունները վտանգում են բնակիչների և բնակլիմայական, և սոցիալ-մշակութային և անվտանգային միջավայրը: Գործունեության հետևանքով անմիջապես տուժել են Երևանի Արաբկիր համայնքի, Վրացական 2-րդ նրբանցք, տուն 4, 2, 4, 6 և Նաիրի Զարյան 15, 15ա փողոցների շենքների բնակիչներ: Երևանի, Նաիրի Զարյան փողոցից զավթված հետիոտնի ճանապարհը` մայթը տանում է դեպի Վարդգես Պետրոսյանի անվան դպրոց` այսինքն փակված է երեխաների դեպի դպրոց անվտանգ գնալու ճանապարհը: Ճանապարհի զավթումը ստեղծել է վթարային իրավիճակ: Այս զավթված ճանապարհի տակով անցնում են էլեկտրոէներգիայի, ջրի և այլ կումունիկացիայի ուղիներ, որոնցից էլեկտրոէներգիայի մալուխը արդեն վնասվել է:
Այս պահի դրությամբ ավարտվել են քանդման աշխատանքները` քանդման թույլտվությամբ նշված բոլոր կառույցները հավասարվել են հողին, սակայն շինհրապարակը շարունակում է գործել: Զավթված է մնում մայթը և հողը չի բերվել բնականոն տեսքի:
Պահանջում ենք վերացնել Երևանի Նաիրի Զարյան 11-13 հասցեում ապօրինությունները.
- Շինհրպարակի անվան տակ զավթված մայթը բերել նախկին տեսքի:
- Ապօրինի հատված ծառերը վերականգնել և թույլ չտալ որպես այգի նախատեսված տարածքում իրականացնել ապօրինի շինարարություն:
- Քանդված տների տեղում և ավերված այգում թույլ չտալ իրականացնել կառուցապատում:4
- Պարտավորեցնել հատուցել քանդման հետևանքով պատճառված վնասները, որոնց վերաբերյալ տեղազննություն կատարելու դեպքում պարզ կդառնա վնասների չափը:
- Ապագա կառուցապատման նախագծերի վերաբերյալ անցկացնել հանրային լսումներ ներքոնշյալ հասցեների շենքերի հարակից բակային տարածքում գտնվող մարզադաշտում, այդ մասին նախապես իրազեկելով Երևանի Վրացական փողոցի 2-րդ նրբանցք, տուն 4, 2,4,6 շենքերի և Նաիրի Զարյան փողոցի 15, 15ա շենքերի բնակիչներին:
Զարուհի ՓՈՍՏԱՆՋՅԱՆ
