Այսօր Հայաստանի Հանրապետությունում բոլոր կենսաթոշակ ստացողները ստանում են նվազագույն սպառողական զամբյուղից ավելի բարձր կենսաթոշակ։ Նման հայտարարություն արեց Նիկոլ Փաշինյանն այսօրվա կառավարության նիստում:
Ըստ նրա մեջբերած Ազգային վիճակագրական կոմիտեի վերջին տվյալների՝ Հայաստանում վերջին շրջանում դիտվող գնանկման շնորհիվ նվազագույն պարենային զամբյուղի արժեքը ևս նվազել է` կազմելով 34,825 դրամ։ Նա հիշեցրեց, որ հուլիսի 1-ից նվազագույն կենսաթոշակը սահմանվել է 36 հազար դրամ։
«Կենսաթոշակների հետվճարի համակարգը շատ ակտիվ զարգանում է: Ըստ էության՝ մեկ տարին լրացավ, ինչ ներդրել ենք այս համակարգը: Փաստորեն նախորդ մեկ տարվա ընթացքում կենսաթոշակառուների կողմից անկանխիկ գործարքները զրոյական մակարդակից դարձել են 37,7 միլիարդ դրամ, այսինքն 1 տարվա ընթացքում կենսաթոշակառուները մոտ 100 միլիոն դոլարի անկանխիկ գործարքներ են արել»,-ասաց վարչապետը:
Նա ավելացրեց, որ ամեն տարի այս թիվն ավելանում է: Միայն հուլիսի տվյալներով՝ Հայաստանում գրանցվել է կենսաթոշակառուների և նպաստառուների կողմից 4 միլիարդ 931 միլիոն դրամի անկանխիկ գործարք ու ավելի քան 418 միլիոն դրամի հետվճար:
Կարդացեք նաև
Մանրամասները՝ տեսանյութում:
Լուսինե ՄԱՐԳԱՐՅԱՆ
