Aravot.am-ը Կենտրոն վարչական շրջանի նախկին ղեկավար, «Հաղթանակ» կուսակցության քաղաքապետի թեկնածու Վիկտոր Մնացականյանից հետաքրքրվեց՝ դուք Հայկ Մարությանի հետ ընկերներ եք եղել, Երեւանի ավագանու ընտրությունների ժամանակ փաստորեն դառնալու եք մրցակիցներ, այդ հարցին ինչպե՞ս եք վերաբերվում:
«Մենք եղել ենք ընդամենը աշխատանքային ջերմ հարաբերությունների մեջ, հիմա էլ թշնամիներ չենք: Երկուսս էլ գնում ենք ի բարօրություն Երեւանի»,-ասաց Վիկտոր Մնացականյանը:
Հիշեցնենք, որ օրերս Հայկ Մարությանը հայտարարել էր, որ կմասնակցի սեպտեմբերի 17-ին կայանալիք Երեւանի ավագանու ընտրություններին եւ կգլխավորի «Ազգային առաջընթաց» կուսակցության ցուցակը:
Գոհար ՀԱԿՈԲՅԱՆ
