Անդրադառնալով հրապարակմանը հաճախորդների տվյալների հասանելիության մասին՝ «Yandex Go» ընկերությունը տարածել է պաշտոնական հայտարարություն, որը ներկայացված է ստորև
Ռուսաստանի օրենսդրությունը չի տարածվում Հայաստանում ծառայության և դրա օգտատերերի վրա, քանի որ նրանք ուղևորություններ են կատարում և օգտագործում հավելվածը Ռուսաստանի սահմաններից դուրս: Դա չի փոխվի նաև սեպտեմբերի 1-ից հետո։
Հայկական «Ռայդտեխ ԷյԷմ» ՍՊԸ – ն, որը Հայաստանում օգտատերերին տրամադրում է Yandex Go ծառայությունը, մշակում է օգտատերերի անձնական տվյալները Հանրապետության օրենսդրությանը համապատասխան, ինչպես նաև ապահովում է տվյալների սուբյեկտների բոլոր նախատեսված իրավունքները:
Հայաստանում ծառայության աշխատանքի հետ կապված տվյալները կարող են պահանջվել օտարերկրյա (այդ թվում՝ ռուսական) պետական մարմինների կողմից բացառապես պաշտոնական հարցման միջոցով և միայն սահմանված միջազգային ընթացակարգերի շրջանակներում:
Կարդացեք նաև
Մեր ընկերությունը հավատարիմ է անվտանգության քաղաքականության բարձր չափանիշներին, որոնք հաստատված են SOC2/3 տվյալների անվտանգության, մատչելիության, մշակման ամբողջականության և գաղտնիության վերաբերյալ միջազգային հանրային հաշվետվությամբ:
