Կադաստրի պետական կոմիտեի նախկին նախագահ Սարհատ Պետրոսյանի ֆեյսբուքյան գրառումը
Երեւանի կառուցապատման ամենաայլանդակ ժամանակաշրջանում (2004-2012) նույնիսկ կար մի կարմիր գիծ. Պահպանել Հանրապետության հրապարակի ու հատկապես Կառավարության շենքի ուրվագիծը։
2020 թվականից կառավարությունն ամենաբարձր մակարդակով զարկ տվեց Ֆիրդուսիի (թիվ 33 թաղամասի) թե՛ քաղաքային, թե՛ ճարտարապետական, թե՛ սոցիալական առումով վիճահարույց նախագծին։ Այն ժամանակ դեռ ահազանգում էի Հանրապետության հրապարակի աղճատման վտանգի մասին ու առաջարկում հավասարակշռված լուծումներ։
Ահա խնդրեմ արդյունքը… Կառավարության շենքի հետեւից բուսնում են առաջին շենքերը։
Կարդացեք նաև
Առաջիկա ընտրությունները երկիրն ու Արցախը փրկելուց բացի, նաեւ հավասարակշռված զարգացման եւ վայրենի զարգացման/կառուցապատման միջեւ ընտրություններ են։ Այնպես որ եկեք ճիշտ կողմնորոշվենք ու պահանջենք կոնկրետ այս կառուցապատման նախագծի վերաբերյալ թեկնածուների դիրքորոշումը։ Առաջարկում եմ լրագրողներին այս մասով հարցեր ուղղեն ընտրության մասնակիցներին…
Հ.Գ.-Նույն լրագրողներին նաեւ խորհուրդ եմ տալիս ստուգել իշխանական քաղաքապետի շրջապատի ու Ֆիրդուսիի տարածքի կառուցապատողների միջեւ (ըստ օդում կախված լուրերի) եղած կապերը։
