Ցանկանում եմ ապավինել մեր ժողովրդի ողջամտությանը․ մենք ցանկանո՞ւմ ենք նորմալ պետություն ունենալ, ցանկանո՞ւմ ենք փոխել մեր քաղաքական վերնախավի ընկալումներն ու պատկերացումները պետականաշինության ու պետության կառավարման վերաբերյալ, թե՞ ոչ․ հարցադրումներ է անում «Արդար Հայաստան» կուսակցության ղեկավար Նորայր Նորիկյանը։
Բնականաբա՛ր, եթե մասնակցենք Երևանի ավագանու ընտրություններին, ինչպես Հայկ Մարությանին, այնպես էլ մյուս մասնակիցներին համարելու ենք մեզ մրցակից ուժ։
Այո՛, ինչպես Հայկ Մարությանի, այնպես էլ որոշ այլ մասնակիցների վերաբերյալ կան որոշ հարցադրումներ, որոնք իրենց բովանդակությամբ քաղաքական են։
Պատեհ առիթի դեպքում, առանց վարանելու այդ հարցադրումները կհրապարակվեն։
Այնուամենայնիվ, անհրաժեշտ է արձանագրել հետևյալը․ մեր երկրում քաղաքական պայքարի որակն ու բովանդակությունը, քաղաքական մշակույթի մակարդակը պետք է բարձրացնենք, ոչ թե հակառակը։
Կարդացեք նաև
․․․Հանրահայտ լինելը դեռ չի նշանակում քաղաքական որակ ու միտք ունենալ, և յուրաքանչյուր ոք իր անցած հետագծով պետք է որոշակի հաշիվ տա հանրությանը, թե ինքն ի՞նչ հետագիծ ու ձեռագիր է թողել։
Մի հարցում համոզված եմ․ քաղաքական դաշտը չպետք է վերածել կրկեսի․․․
Ես ցանկանում եմ անսալ մեր ժողովրդի ողջամտությանը․ մենք ցանկանո՞ւմ ենք նորմալ պետություն ունենալ, ցանկանո՞ւմ ենք փոխել մեր քաղաքական վերնախավի ընկալումներն ու պատկերացումները պետականաշինության ու պետության կառավարման վերաբերյալ, թե՞ ոչ․․․
