Արցախի «Հեղափոխական» կուսակցության ղեկավար Արթուր Օսիպյանը ֆեյսբուքի իր էջում ուղիղ միացմամբ հիշեցրեց, որ դիմել էին ռուս խաղաղապահներին, որպեսզի նրանք ապահովեին իրենց խաղաղ երթի անվտանգությունը դեպի Հակարի կամուրջ:
«Մենք ստացել ենք մի անհեթեթ պատասխան, որ երթի անվտանգության ապահովում՝ ըստ նոյեմբերի 9-ի չկա: Հիմա թող ռուսներն ինձ բացատրեն, թե ինչ տարբերություն՝ մե՞կ մեքենա է խաղաղ բնակիչներով երթեւեկում Լաչինի միջանցքով, թե 10 մեքենա, կամ 100, եթե այնտեղ խաղաղ բնակիչներ են: Ինչ վերաբերվում է նրան, որ պետք է ստուգեն, թե զենք-զինամթերք չեն տեղափոխում, մենք դեմ չենք, խնդրեմ, թող գան, ստուգեն: Կխնդրենք, որ մեր ոստիկանությունն էլ իրենց աջակցի, որ մենք՝ կազմակերպիչներս, համոզված լինենք, որ երթը խաղաղ է»,- ասաց Օսիպյանը:
Նրա խոսքով. «Ռուսները, փաստորեն, հրաժարվում են իրենց վրա վերցրած պարտականություններից… Եվ մեծ կասկածանքներ կան, որ ռուս խաղաղապահները հենց Ադրբեջանի հետ մեկտեղ են մեզ բլոկադայի ենթարկել: Ստացվում է՝ ոչ թե խաղաղապահներ են, այլ օկուպացիոն զորքեր»:
Արթուր Օսիպյանը կոչ արեց չընկճվել. «Պայքարը շարունակվում է… Ռուս խաղաղապահները (իրենց հրամանատարության ու Կրեմլի մասին է զրույցը գնում) իրենց դեմքը ցույց տվեցին, որ Արդբեջանի հետ միասին են»:
Կարդացեք նաև
Պատրաստեց Գոհար ՀԱԿՈԲՅԱՆԸ
