«ԲԱՑՈւՄ» քաղաքացիական նախաձեռնությունը հանդես է եկել հայտարարությամբ, որով ՀՀ արտաքին գործերի նախարարությունից պահանջում է, որ «հրատապ կարգով ներկայացվեն բոլոր փաստաթղթերը, որոնք ուղարկվել են միջազգային կառույցներին, պետություններին, այդ թվում՝ ՄԱԿ, ԵՄ, ԵԱՀԿ, ԵԱՀԿ ՄԽ, ԵԽԽՎ, ՄԻԵԴ, ՀԱԱԳԱՅԻ ԴԱՏԱՐԱՆ, ՄԱԿ ԱԽ, ԱՄՆ, ՌԴ, Ֆրանսիա, ՄԲ, ՉԺՀ և այլն՝
ա) Արցախի շրջափակումը դադարեցնելու և հումանիտար աղետը կանխելու նպատակով:
բ) պաշտպանելու և վերադարձնելու հուլիսի 29-ին Կարմիր Խաչի միջազգային կոմիտեի ուղեկցությամբ Ստեփանակերտից Երևան եկող բուժառու, ՀՀ քաղաքացի պրն Վագիֆ Խաչատրյանին, որն առևանգվել է ադրբեջանական ուժերի կողմից,
գ) պաշտպանելու և վերադարձնելու օգոստոսի 1-ին ադրբեջանցիների կողմից առևանգված Շուշի քաղաքից տեղահանված Հին Շենի բնակիչ պրն Ռաշիդ Բեգլարյանին:
Կարդացեք նաև
Շրջափակումից ի վեր բոլոր գործողությունների մասով կատարված աշխատանքները՝ հաստատված և ուղարկված փաստաթղթերը, դիմումները պետք է ներկայացվեն»։
