Դատավորների ընդհանուր ժողովի օրակարգը ձայների մեծամասնությամբ հաստատվել է. ժողովին մասնակցող 201 դատավորից օրակարգի ընդունմանը դեմ է քվեարկել 17-ը։
Այսօր դատավորների ընդհանուր ժողով է հրավիրվել, որի օրակարգում Բարձրագույն դատական խորհրդի դատավոր անդամի ընտրության հարցն է։ Սա արդեն երկրորդ ժողովն է նույն օրակարգով։ Նախորդ՝ հուլիսի 19-ին հրավիրված ժողովը տապալվել էր: Այդ նիստում պետք է ԲԴԽ դատավոր անդամ ընտրվեր: Դատավորները դեմ էին քվեարկել օրակարգին, քանի որ ԲԴԽ դատավոր անդամի ընտրությանը մասնակցելու համար ծանուցագրեր էին ստացել միայն մարզերի ընդհանուր իրավասության դատարանի դատավորները։
Նախորդ ժողովին ԲԴԽ դատավոր անդամի թեկնածուներն էին Արմավիրի մարզի ընդհանուր իրավասության դատարանի դատավոր Էդգար Հովհաննիսյանը, Արագածոտնի մարզի ընդհանուր իրավասության դատարանի դատավոր Սուրեն Մնոյանը և Լոռու մարզի ընդհանուր իրավասության դատարանի դատավոր Վարդուհի Հովնանյանը։
Թեկնածուները նույնն են:
Կարդացեք նաև
Նելլի ԳՐԻԳՈՐՅԱՆ
