44-օրյա պատերազմի քննիչ հանձնաժողովում ՊՆ նախկին նախարար Դավիթ Տոնոյանին հանձնաժողովի անդամ Վահագն Ալեքսանյանը հարցրեց՝ պատերազմից մի քանի օր առաջ հանդիպել եք ՌԴ ՊՆ նախարար Շոյգուի հետ, ԳՇ պետը հանդիպել է ՌԴ ԳՇ պետ Գերասիմովին, այդ հանդիպումների արդյունքում բնականաբար քննարկվել է նաեւ մեզ մոտ պատերազմի հավանականությունը, մեր դաշնակցի կողմից հնչել են գնահատականներ, թե պատերազմը քիչ հավանական է, կամ գրեթե անհավանական է, ճի՞շտ է արդյոք դա:
Տոնոյանը պատասխանեց. «Եթե ունեք իմ հաշվետվությունները՝ իմ հանդիպումների վերաբերյալ, կարող եք ունենալ, այդ մասով ես կսահմանափակվեմ: Փակ նիստում հարց կտաք, ես կպատասխանեմ, բայց պատերազմին նախորդող ժամանակաշրջանում մեզ համար, բոլորիս համար, նաեւ իմ փորձը՝ ՆԱՏՕ-ի հետ համագործակցության, ինձ հուշեց, որ 16-երի տեղակայումն այնտեղ վարժանքի նպատակով չի: Երբ ամեն օր գրեթե 4 ինքնաթիռ անընդհատ 6 ժամվա, 5 ժամվա մեջ անընդհատ գտնվում էին օդում եւ այնպիսի մոտեցումներ էին լինում, որոնք ստիպում էին ՊԲ-ի ՀՕՊ-ին միանալ, ավելացրեց մեր մտահոգությունները: Երբ որ F16-երը ռոտացիայի ենթարկվեցին, պատկերացնո՞ւմ եք՝ ինչ էր նշանակում դա, նաեւ ինքնաթիռները ռոտացիայի ենթարկվեցին, դա նշանակում էր, որ համարյա թե մշտական ներկայություն էր, կամ ռազմական գործողությունների վերսկսման ազդակ: Այդ ժամանակաշրջանից սկսած՝ իմ ու ՌԴ նախարարի հանդիպումները եղել են երեքը: Հաշվետվությունները կարող եք ընթերցել:
Այո, կար որոշակի դիմումներ մեզ՝ չսադրելու եւ սառնասրտություն ցուցաբերելու, որը հնարավորինս իրականացվել է մեր կողմից: Ամեն դեպքում F16-ի խոցումը մեր կողմից հնարավոր էր, բայց չէր կատարվում, քանի որ իրենց կողմից որոշված էր չսադրել իրավիճակը: Ես նախաձեռնեցի երկու խումբ արագ հանդիպումներ: ՊՆ-ից խնդրում եմ վերցնել իմ եւ ԱՄՆ պաշտպանական դեպարտամենտի փոխտեղակալի հետ հանդիպման հաշվետվությունը 2019-ին, շատ բան պարզ կդառնա ձեզ»:
Նա ասաց, որ օրական 3-4 հանդիպումներ է ունեցել ՀԱՊԿ եւ ՆԱՏՕ անդամ երկրների դեսպանների հետ, բոլորին դիագրամաներով տրվել են Թուրքիայի F16-ի շարժը, խնդրել են՝ չեզոքացնել այդ երկրի ներգրավումն արցախյան պատերազմի թատերաբեմում:
Կարդացեք նաև
Տոնոյանը հերքեց այն լուրերը, թե ԵԱՀԿ ՄԻնսկի խմբի համանախագահող երկիրներից մեկն իրեն առաջարկություններ է ներկայացրել, ինքը հրաժարվել է:
Հռիփսիմե ՋԵԲԵՋՅԱՆ
