44-օրյա պատերազմի քննիչ հանձնաժողովում ՊՆ նախկին նախարար Դավիթ Տոնոյանը հայտարարեց, որ սուտ են պնդումները, թե պատերազմի չորրորդ օրը դիտավորյալ զորահավաքը կանգնեցվել է. «Դա սուտ է, պաշտոնական զորահավաքը երբեւիցե չի դադարեցվել, իրականացվել է բոլոր 44 օրերին: Ո՞նց կարող էր այդպիսի բան լինել, եթե մեր զինված ուժերը համարյա թե կրկնապատկվեցին, պատկերացնո՞ւմ եք ինչ թվերի մասին է խոսքը»:
Դավիթ Սանասարյան
Դավիթ Սանասարյանը հարցրեց՝ ինչպես կարգն է, ներդաշնակեցում է եղել, նո՞ր են տարել առաջնագիծ, թե՞ միանգամից տարել են առաջնագիծ՝ Տոնոյանը պատասխանեց, որ ներդաշնակումը եղել է, բայց՝ կարճ եւ երկար. «44 օրը չնչին ժամանակաշրջան է՝ այդ մակարդակի պատերազմի մեջ մտնելու եւ զորահավաքային, այլ հարցերի արձագանքելու առումով: 92-94թթ-ին մենք բազում 44-օրյաներ ենք ունեցել, երբ անհաջողություններ ենք ունեցել, հետո վերականգնել ենք մեր բնագծերը: Եկեք այսպիսի գնահատական տանք՝ զորահավաքային խնդիրները պրոբլեմ են եղել: Լուծումները գտնելու հետ կապված քննարկում է պետք»:
Հարցին՝ Իսրայելից առաջարկ եղե՞լ է գործարան աշխատեցնել կամ վաճառք իրականացնել ԱԹՍ-ների՝ Դավիթ Տոնոյանը պատասխանեց, որ պետական մակարդակով չի եղել, մասնավոր պայմանավորվածությունների ջանքեր գործադրվել են:
Կարդացեք նաև
Հռիփսիմե ՋԵԲԵՋՅԱՆ
