8-րդ համահայկական ամառային խաղերը կանցկացվեն օգոստոսի 5-ից 19-ը Գյումրիում:
Արդեն հաստատվել է, որ Համահայկական ամառային խաղերին կմասնակցեն 41 երկրների 176 քաղաքների մեր հայրենակից յոթ հազար մարզիկ-մարզուհիներ: Նրանք հանդես են գալու 17 մարզաձեւում, որոնցում խաղարկվելու է մեդալների 105 հավաքածու: Համահայկական 8-րդ ամառային խաղերում աշխատելու համար հայտավորվել են երկու հազար կամավորականներ:
Համահայկական ամառային խաղերի բացման հանդիսավոր արարողությունը կկատարվի Հայաստանի՝ մեծությամբ երկրորդ քաղաք Գյումրիի քաղաքային ստադիոնում, իսկ փակումը՝ մայրաքաղաք Երեւանում:
Աշոտ ՀԱԿՈԲՅԱՆ
