Ադրբեջանն ազատ է Լաչինի միջանցքի մասով ընդունել ցանկացած որոշում, որն անհրաժեշտ է համարում. դա նրա սուվերեն իրավունքն է: Նման հայտարարություն է արել Թուրքիայի արտգործնախարար Հաքան Ֆիդանը Անկարայում Ադրբեջանի իր գործընկեր Ջեյհուն Բայրամովի հետ հանդիպումից հետո:
«Դուք գիտեք, որ Լաչինի ճանապարհն Ադրբեջանի տարածքն է: Ուստի Ադրբեջանը ձեռնարկում է ցանկացած միջոցառում, որն անհրաժեշտ է համարում. դա նրա սուվերեն իրավունքն է»,- ասել է Ֆիդանը:
Նա ընդգծել է, որ Լաչինի միջանցքով կա հնարավորություն անցում ապահովել բժշկական նպատակներով:
«Առանձնացված են նաև այլ երթուղիներ, որոնք պիտանի են ապրանքների համալիր տեղափոխման համար: Երբ մենք նայում ենք այս բոլոր գնահատականներին, պարզ է դառնում, որ Ադրբեջանն այս առումով չհիմնավորված քննադատության է ենթարկվում»,- ասել է Ֆիդանը:
Կարդացեք նաև
Նա նաև հայտարարել է, որ տարածաշրջանային կայունության ճանապարհը համապարփակ խաղաղության պայմանագրի կնքումն է, իսկ «դրա համար մեծ նշանակություն ունի Զանգեզուրի միջանցքի բացումը»:
Պատրաստեց Վիկտորյա ԱՆԴՐԵԱՍՅԱՆԸ
