Նիկոլ Փաշինյանի հայտնի հայտարարությունից հետո Արցախի ընդդիմադիր պատգամավոր Դավիթ Գալստյանը դիմել է ԱՀ գլխավոր դատախազություն` 2020 թ. նոյեմբերի 1-ից հետո Ներդրումային հիմնադրամից մոտ 70 միլիարդի չափով վարկային փոխառություններ մի շարք իրավաբանական եւ ֆիզիկական անձանց տրամադրելու հարցով: «Մարդիկ կան՝ 8 մլրդ 438 միլիոն են ստացել, մարդիկ կան, որոնք ստացել են 5 մլրդ 375 միլիոն վարկային փոխառություն»,- ասում է պատգամավորը:
«Քանի որ մենք՝ պատգամավորական նախաձեռնությամբ, ամիսներ առաջ չկարողացանք քննիչ հանձնաժողով ձեւավորել` Արայիկ Հարությունյանի եւ Սամվել Բաբայանի թիմակիցները դեմ եղան, մինչդեռ հանձնաժողովը կքններ այդ հիմնադրամի գործունեությունը։ Բացի այդ, մեզ՝ որպես պատգամավորների, որեւէ ինֆորմացիա չեն տրամադրում նաեւ, թե ովքեր են այդ անձինք եւ կազմակերպությունները, թե որքանով են մեր ռեսուրսները ճիշտ եւ նպատակային օգտագործել, ուստի դատախազությանը հորդորել ենք ուսումնասիրություն կատարել եւ պարզաբանումներ տալ, թե ովքեր են եւ ինչպես են օգտագործել այդ ռեսուրսները»,- ասում է Գալստյանը։
Հոդվածն ամբողջությամբ՝ «Հրապարակ» օրաթերթի այս համարում
