Հետազոտող, արևելագետ, անվտանգային հարցերով փորձագետ Աննա Դավթյան-Գևորգյանը գրում է.
«Արցախի իշխանությունների՝ պատասխանատվություն ստանձնել-չստանձնելու ստատուս-քվոն տարիներ շարունակ Հայաստանի իշխանությունների թելադրմամբ է եղել, նրանց իմացությամբ ու նրանց սրտով։ Էդ նույն մարտավարությունը որդեգրվել է նաև 2018-ից հետո․ փոխվել են միայն դերակատարները, բայց ոչ ընդունված ձևը հարաբերվելու։
Ու այսօր էս բոլորի մեջ հասարակություններին մեղադրելը, առավելևս պաշարման մեջ գտնվող ու օգնության հույսի սպասող մարդկանց մեղադրելը, նրանց վրա մուննաթ գալն ու «տեղները ցույց տալը» ոչ միայն անազնիվ է, այլև կործանարար բոլորիս համար։ Դժվար է, բայց կարևոր է չընկնել էս ծուղակը:
հ․գ․ Հինգ ժամվա մեջ քառասունհինգ շերտ անընդունելի, անտրամաբանական, անհասկանալի ու վտանգավոր թեմաների շերտի տակ թողեց կարևոր մտքերն էն մասին, որ նորից նույն սխալները չի ուզում անել ու իրականության հետ առնչվելու փորձեր է անում․․․»:
Կարդացեք նաև
