Անհրաժեշտ է հետևել Կարմիր խաչի միջազգային կազմակերպության մարդասիրական մանդատին և չօգտագործել այն քաղաքական նպատակներով: Այս մասին ասվում է Ադրբեջանի ԱԳՆ հայտարարության մեջ:
«Ինչպես հայտնի է, «Լաչին» անցակետի վրա կրակոցներն այս տարվա հունիսի 15-ին, ինչպես նաև հուլիսին հայ վարորդների փորձերը մաքսանենգ ճանապարհով, ԿԽՄԿ-ին պատկանող ավտոմեքենաներով մթերք մտցնել Ադրբեջան, գնահատվել են որպես հայկական կողմի հերթական հակաիրավական գործողություն Ադրբեջանի տարածքային ամբողջականության և ինքնիշխանության դեմ, ինչպես նաև անցակետի գործունեության խոչընդոտում: Այդ կապակցությամբ մենք պահանջել ենք դադարեցնել նման ապակառուցողական միջոցառումները»,- ասվում է հայտարարության մեջ:
Ըստ հայտարարության, չնայած դրան, Ադրբեջանը ԿԽՄԿ-ի հետ քննարկումներից հետո «համապատասխան պայմաններ է ստեղծել ԿԽՄԿ միջնորդությամբ բժշկական նպատակներով Հայաստանի բնակիչների անցումը շարունակելու համար»:
Բացի այդ, ըստ Ադրբեջանի ԱԳՆ-ի իրենք առաջարկել են օգտագործել «Աղդամ-Խանքենդի» ճանապարհը, բայց հայկական կողմը «համառորեն հրաժարվել է այդ երթուղու օգտագործումից»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
