«Կարող ենք մի ժամում դիմել ՄԱԿ-ի Անվտանգության խորհուրդ»,- այսօր հրավիրած ասուլիսում հայտարարեց վարչապետ Նիկոլ Փաշինյանը: Հարցին՝ թե բա ինչո՞ւ չեք դիմում՝ հաշվի առնելով, որ միջազգային դատարանի վճիռ կա ու մինչ օրս Լաչինի միջանցքը փակ է՝ նա պատասխանեց. «Կարող ենք մի ժամում դիմել, բայց խնդիրն այն է՝ որոշում կընդունվի՞, թե՞ չի ընդունվի, կամ ի՞նչ որոշում կընդունվի»:
Փաշինյանն ասաց, որ մինչ դիմելը պետք է անդամ երկրների հետ աշխատանք տանեն, ինչն անում են հիմա:
Լրագրողներից մեկը հարցրեց՝ քննարկե՞լ եք Արցախը ՌԴ կազմում ներառելու հարցը, կա՞ն հաշվարկներ, թե ֆինանսական իմաստով ՀՀ-ի վրա որքան կնստի, եթե Ադրբեջանը բռնի տեղահանի արցախցիներին:
Փաշինյանն ասաց, որ վերաբնակեցման հարց ՀՀ-ն չի քննարկում, քննարկում է ԼՂ հայության՝ սեփական երկրում, ծննդավայրում ապրելու հնարավորություններ ստեղծելու հարցը. «Ինչ վերաբերվում է ՌԴ կազմ մտցնելուն, ես արձագանք ուղղակի չունեմ, որովհետեւ դա ինձ չի վերաբերվում: Ես նման քննարկում չեմ ունեցել»:
Կարդացեք նաև
Հռիփսիմե ՋԵԲԵՋՅԱՆ
