Վերջերս էքստրեմալ սպորտի նոր տեսակ է զարգանում Հայաստանում՝ թռիչք քննչականի պատուհանից։
Վերջին տարօրինակ մահը գրանցվել է հուլիսի 20-ին՝ Քննչական կոմիտեի տնտեսական հանցագործությունների եւ մաքսանենգությունների քննության գլխավոր վարչության շենքում։
Այն ձեւակերպվել է որպես դժբախտ պատահար։ ՔԿ-ն ընդամենը հաղորդեց, որ օպերատիվ տեղեկություններ է ունեցել ՌԴ քաղաքացի հանդիսացող, ազգությամբ ռուս 30-ամյա անձի կողմից իր անվամբ թմրամիջոցների՝ դեմիթոքսիֆենէթիլամինի պարունակությամբ ծանրոցներ ստանալու մասին:
Ինչպե՞ս մարդը կարողացավ ձեռնաշղթաներով նետվել ցած: Եթե ձեռնաշղթա են անցկացրել, ինչո՞ւ անձին չեն ուղեկցել, եթե ուղեկցել են, ինչո՞ւ չեն կանխել թռիչքը, ինչո՞ւ են բաց պատուհան թողնում հարկաբաժնում, որտեղ ձեռնաշղթաներով անձինք են «ֆռֆռում»։ Եվ, վերջապես, ինչո՞ւ պատուհաններին չկան ճաղավանդակներ, եթե արդեն նման թռիչքների առաջին դեպքը չէ սա։
Երեկվա դեպքը մեր իրավապահ համակարգում կատարվող նմանատիպ առաջին դեպքը չէ` այն հիշեցրեց մի քանի ամիս առաջ Արտաշատի քննչական բաժնում տեղի ունեցած պատահարը։ Ապրիլի 27-ին նույն եղանակով՝ պատուհանից ընկնելով, մահացել է Արարատի Հովտաշեն գյուղի բնակիչ, 62 տարեկան մսավաճառ Միսակ Պողոսյանը։ Ըստ նրան ճանաչող անձանց՝ նա հանգիստ, խաղաղ անձնավորություն էր, բայց սովորություն ուներ՝ կանեփ էր ծխում։
Կարդացեք նաև
Այսպիսով, Քննչական կոմիտեի բաժանմունքները վտանգավոր են դարձել ՀՀ քաղաքացիների կյանքի եւ առողջության համար։ Ծեծի, խոշտանգումների դեպքերին, որոնք վերջին մի քանի ամսում բազմապատկվել են, երկրի ղեկավարը չի արձագանքում։ Միայն Տիգրան Առաքելյանի դեպքը կարող էր բավարար լինել Քյարամյանին պաշտոնանկ անելու համար, որը, ըստ տուժողի, անձամբ էր ծեծել իրեն:
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
