Այս պահին խաթարված է դեղորայքի տեղափոխումն Արցախ: Այս մասին այսօր կառավարության նիստից հետո լրագրողների հետ զրույցում ասաց առողջապահության նախարար Անահիտ Ավանեսյանը՝ անդրադառնալով Լաչինի միջանցքի փակ լինելու հետևանքով ԼՂ-ում ստեղծված իրավիճակին:
«Թե՛ կոչերով, թե՛ գրավոր տեղեկատվություններով ես ամբողջ ինֆորմացիան նաև փոխանցում եմ թե՛ ՄԻՊ-ին, թե՛ նաև Եվրոպական դատարանում մեր ներկայացուցչական խմբին և այս ամեն ինչը փաստագրվում է և հետո հիմք է հանդիսանում նաև որոշակի պատժամիջոցների համար»,- ասաց Ավանեսյանը:
Նա նկատեց, որ միջազգային կառույցներից պատասխանները գոհացուցիչ չեն, քանի որ ճանապարհը բաց չէ:
Ավանեսյանը տեղեկացրեց, որ դեղորայքը և բոլոր բժշկական պարագաներն Արցախում օգտագործվում են ըստ կարիքի. «Բոլոր միջամտությունները, որոնք այս պահին հնարավոր է հետաձգել, որոշակի ժամանակով հետաձգված են»,-ասաց Ավանեսյանը և փաստելով, որ այս պահին դեղորայք չի հասցվում Արցախ: «Խաթարված է դեղորայքի տեղափոխումը»,-ընդգծեց Ավանեսյանը:
Կարդացեք նաև
Լուսինե ՄԱՐԳԱՐՅԱՆ
