Shamshyan.com-ի տեղեկություններով՝ երեկ՝ հուլիսի 18-ին, ՀՀ Ներքին գործերի նախարարության Ոստիկանության Արագածոտնի մարզային վարչությունում ՀՀ ՆԳՆ Ոստիկանության Պարեկային ծառայության Արագածոտնի մարզի գումարտակի պարեկները ծառայության ընթացքում նկատել են, որ Երևան-Վանաձոր ավտոճանապարհի Արտաշավան գյուղի վարչական տարածքում տեղադրված արագաչափերը վնասված են։
Պարզվել է, որ հուլիսի 9-ից հուլիսի 18-ն ընկած ժամանակահատվածում անհայտ անձը կամ անձինք կոտրել են նշված տեղում տեղադրված արագաչափ սարքի 2 զրահապատ ապակիները։
Գ․ Շամշյանի տեղեկություններով՝ կոտրողը թողել է գրություն, որտեղ համակարգչի օգտագործմամբ գրված է եղել՝ «Քաղաքացին տուգանքի մատերիալ չէ»։ Սակայն ժամանած ոստիկաններն ու պարեկները այդ թուղթը չեն կարողացել հայտնաբերել։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
Կարդացեք նաև
Նյութն ամբողջությամբ՝ սկզբնաղբյուր կայքում:
