Ստեփանակերտում օրերս տեղի ունեցած՝ «Արցախի անվտանգության և զարգացման ճակատ» հանրային շարժման հիմնադիր անդամների երկրորդ նիստին ներկայացվել են մեկուկես ամսվա ընթացքում կատարած աշխատանքները:
Նշվել է, որ շարժման շրջանակում ձևավորված ութ աշխատանքային խմբերը սկսել են աշխատանքները: Խմբերում ներգրավված են ոչ միայն շարժման ներկայացուցիչներ, այլև փորձագետներ Հայաստանից և Սփյուռքից: Ներկայացվել է նաև վերլուծություն երեք անվտանգության, հասարակության համախմբման ու տեղեկատվական պատերազմի ուղղությունների վերաբերյալ:
Շարժման համակարգող Ռուբեն Վարդանյանը կարևորել է հաշվետվողականությունը՝ նշելով, որ համակարգվածությունը, հետևողականությունը, կոլեգիալությունն ու թափանցիկությունը իրենց աշխատանքի կարևոր սկզբունքներն են, ու դրանք պետք է պահպանվեն:
«Լուրջ մարտահրավերների առաջ ենք, լինել-չլինելու հարցը սրի պես կախված է մեր գլխավերևում: Ընտրությունը մեզ համար պարզ է, մենք ընտրել ենք պայքարի ուղին: Այլ կերպ լինել չէր կարող, որովհետև Հայրենական պատերազմի մեջ ենք»,- ասել է Ռուբեն Վարդանյանը: Նա խոսել է խոչընդոտների, դրանք հաղթահարելու ուղիների, շրջափակման դաժան պայմաններում չկոտրվելու և նորանոր հնարավորությունների փնտրտուքով գործելու տարբերակների մասին:
Կարդացեք նաև
«Արցախի անվտանգության և զարգացման ճակատ» հանրային շարժման աշխատանքային ուղղության պատասխանատու Աշոտ Ղուլյանն նկատել է, որ շարժումն ընդլայնվելու ակնհայտ միտում ունի և կարևոր է համարել համակարգված եղանակով առաջ գնալը:
Ներկայացվել է նաև կազմակերպչական աշխատանքների ընթացքը:
«Արցախի անվտանգության և զարգացման ճակատ» հանրային շարժում
