Արցախի ՄԻՊ Գեղամ Ստեփանյանի ֆեյսբուքյան գրառումը
Այս ծանր պայմաններում դժվարությամբ կազմակերպվող փոքրաքանակ մասնակցությամբ միջոցառումները ադրբեջանական քարոզչամեքենան գործիք է դարձնում՝ միջազգային տարբեր կառույցներին մոլորեցնելու կամ ապակողմնորոշելու համար, որ բլոկադա ու հումանիտար ճգնաժամ չկա:
Հարսանիքների ու այլ սիրուն միջոցառումների տեսանյութերը ոգևորող են, ցույց են տալիս ուժ ու կամք, բայց խնդրում եմ ձևական ճոխ կյանքի հետ ասոցացվող տեսանյութերը տարածելուց զերծ մնալ։
Կարդացեք նաև
Արցախի տեղեկատվական շտաբի լուսանկարիչ Դավիթ Ղահրամանյանը նույնպես այդ թեմայով գրառում էր կատարել՝ նշելով․
Անգամ այս իրավիճակում մարդիկ պետք է ամուսնանան, ավելին` Արցախի համար այս ճակատագրական փուլում ամուսնությունը պետք է խրախուսվի, քանզի ընտանիքն է պետության և պետականության ամենաամուր հիմքը:
Բայց եթե որոշել ենք սահմանափակումներ մտցնել և պայքարել, ապա պայքարը պետք է տարվի ամեն ուղղությամբ։
Ամբողջ ադրբեջանական ալիքներում արցախցիների սթորիներն են, նմանատիպ գրառումով՝ “А вот как вчера прошёл вечер в «голодающем блокадном» Ханкенди”։
Տեղեկատվական պատերազմը հաճախ ավելի արդյունավետ է, քան զենքով պատերազմը, ցավոք, մենք դեռ շատ հեռու ենք նման գիտակցումից:
Լուսանկարը՝ Դավիթ Ղահրամանյանի
