Արտակարգ և լիազոր դեսպան Դավիթ Շահնազարյանը լրատվամիջոցներին է տրամադրել իր հետևյալ հայտարարությունը
Այսօրվա՝ 15-ը հուլիսի, 2023 թ․ «Լեռնային Ղարաբաղի շուրջ ստեղծված իրավիճակի կապակցությամբ ՌԴ ԱԳՆ հայտարարությամբ» Մոսկվան արդեն ոչ միայն պաշտոնապես է հրաժարվում Լեռնային Ղարաբաղի ժողովրդի անվտանգության երաշխավորի՝ 2020թ․ նոյեմբերի 9-ի եռակողմ հայտարարությամբ ամրագրված իր մյուս բոլոր պարտավորվածություններից, այլ նաև հրապարակորեն խրախուսում, «կանաչ լույս» է տալիս Ադրբեջանին՝ Արցախի Հանրապետության և նրա ժողովրդի դեմ ռազմական գործողություններով իրագործելու էթնիկ զտումներ։
Հայտարարության մեջ նաև հերթական անգամ ամրագրված է ՌԴ-ի հիմնական նպատակը, այն է Թուրքիայի նկատմամբ ստանձնած իր պարտականությունները՝ արտատարածքային (էքստերիտորեալ) «թուրանական միջանցքների» բացումը Հայաստանի Հանրապետության սուվերեն տարածքներում։
Փաստորեն, ՌԴ-ն բացահայտ հիմնավորում է իր աջակցությունը Ադրբեջանի էթնիկ զտման՝ ցեղասպան քաղաքականությանը, ի շահ Թուրքիայի հետ իր համագործակցության։
Կարդացեք նաև
Ռուսաստանը Ադրբեջանի հետ միասին կրում ու կրելու է Արցախում ստեղծված ներկայիս հումանիտար աղետի և Ադրբեջանի՝ Արցախի դեմ հնարավոր ռազմական գործողությունների հետևանքների ողջ պատասխանատվությունը։
Դավիթ ՇԱՀՆԱԶԱՐՅԱՆ
15 հուլիսի, 2023թ․, ք․ Երևան
“Ռուսաստանը Ադրբեջանի հետ միասին կրում ու կրելու է Արցախում ստեղծված ներկայիս հումանիտար աղետի և Ադրբեջանի՝ Արցախի դեմ հնարավոր ռազմական գործողությունների հետևանքների ողջ պատասխանատվությունը։”
Հարգելի՛ պարոն Շահնազարյան, եթե քաղաքական գործչի համար, ում հայտարարությունները՝ հայացքների կամ դիրքավորման բերումով առավելապես կողմնակալ են, “ողջ պատասխանատվություն” արտահայտությունը նշված կոնտեքստում կարող է ընկալելի լինել, ապա ֆիզմաթ գիտությունների թեկնածուին այն հարիր չէ. առավելևս, որ այդ պատասխանատվության մի մասն էլ իրենն է: