168.am-ը գրավոր հարցմամբ դիմել էր Հանրային հեռուստաընկերության հասարակայնության հետ կապերի ծառայության ղեկավար Աննա Օհանյանին՝ ինչո՞ւ է որոշվել Արցախը փոխարինել Ղարաբաղով, հարցն ո՞ւմ հետ է քննարկվել, ո՞վ է կոնկրետ նման որոշում կայացրել։
Տվյալ հարցերի վերաբերյալ Հանրային հեռուստաընկերության պատասխանները ներկայացնում ենք ամբողջությամբ։
«Արցախի Սահմանադրության առաջին հոդվածի երկրորդ կետի համաձայն՝ «Արցախի Հանրապետություն և Լեռնային Ղարաբաղի Հանրապետություն անվանումները նույնական են»: Ուստի, երկու եզրերն էլ համարժեք գործածելի են։
Առաջինի լրատվական ալիքը մուլտիմեդիա արտադրանք է թողարկում 4 լեզվով, այդ թվում՝ միջազգային լսարանին մատուցելով լուրեր տարածաշրջանի մասին։ Այս համատեքստում «Լեռնային Ղարաբաղ» եզրը՝ որպես միջազգայնորեն ճանաչված տերմին, առավել լայն կիրառություն է գտել։
Կարդացեք նաև
Նշենք նաև, որ Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ը հունիսի 28-ից եղանակի կանխատեսման հրապարակումներում կատարել է նշված փոփոխությունը, ինչը համապատասխանաբար արտացոլվել է նաև հեռարձակվող թողարկումներում։
Հանրային հեռուստաընկերությունը լրատվական թողարկումներում ամենօրյա ռեժիմով անդրադառնում է Արցախում տեղի ունեցող իրադարձություններին, թղթակցական կետ ունի Ստեփանակերտում, ինչպես նաև համագործակցում է Արցախի հանրային հեռուստաընկերության հետ։ Փոխգործակցության վերջին օրինակը հուլիսի 5-ին կայացած «Ստեփանակերտ-Երևան» հեռուստակամուրջն է, որի հեռարձակումն ապահովել են երկու Հանրայինները»։
Զվարթ ԽԱՉԱՏՐՅԱՆ
Հոդվածն ամբողջությամբ՝ «168 ժամ» շաբաթաթերթի այսօրվա համարում
