Ես գիտեմ, որ իմ քայլով ես ցավ եմ պատճառում շատ մարդկանց, նրանք պետք է ընդունեն, որ ես ազնվորեն վեր եմ կացել-եկել Արցախ՝ թողել իմ ընտանիքը, լավ կյանքը, որովհետև հասկանում եմ, որ Արցախի հարցը շատ բարդ ու լուրջ է, ճգնաժամային է:Նման պատասխան տվեց Արցախի Հանրապետության նախկին պետնախարար Ռուբեն Վարդանյանը՝ այսօր, ռադիո «Ավրորայի» ուղիղ եթերում այն հարցին, թե տարածված կարծիք կա, որ ինքը Կրեմլի կողմից է ուղարկված:
«Եթե մարդիկ ընդունեն, որ Ռուբեն Վարդանյանը ամեն ինչ թողել և եկել է՝ առանց հետին մտքերի, եթե հասկանան, որ այն ինչ արել է Ռուբեն Վարդանյանը՝ դա նորմալ է, ամեն ինչ տեղը կընկնի: Աննորմալը դարձել է նորմալ, իսկ նորմալը՝ ինչ որ հերոսություն:
Ես գիտեմ, որ իմ քայլով ես ցավ եմ պատճառում շատ մարդկանց, նրանք պետք է ընդունեն, որ ես ազնվորեն վեր եմ կացել-եկել Արցախ՝ թողել իմ ընտանիքը, լավ կյանքը, որովհետև հասկանում եմ, որ Արցախի հարցը շատ բարդ ու լուրջ է, ճգնաժամային է:
Հարց է առաջանում, բա ինչու՞ այդ լուրերը տարածողներն Արցախում չեն, մյուս կողմից շատ հեշտ է տարածել, թե ես մի կողմից Անգլիայի, մյուս կողմից՝ Ռուսաստանի, կամ չգիտեմ Ճապոնիայի մարդն եմ, մնացել է Բրազիլիայի մարդը դարձնեն: Ինչ ասես, տարածում են, հա, ասում են, թե փող լվանալով է զբաղված, պատրաստ են ամեն ինչ տարածել իմ մասին, միայն թե այդ հարցը ինքներն իրենց չտան, թե ինչու՞ իրենք էլ Արցախում չեն: Այդպիսով փորձում են իրենց արդարացնել, որ իրենք իրավունք ունեն ոչ մի բան չանելու»,-ասաց Ռուբեն Վարդանյանը:
Կարդացեք նաև
Լուսինե ՄԱՐԳԱՐՅԱՆ
Լուսանկարը` Ռուբեն Վարդանյանի ֆեյսբուքյան էջից:
