ՔՊ խմբակցության ղեկավար Հայկ Կոնջորյանի օգնականը՝ Ինեսսա Շահնազարյանը որոշել է ԱԺ-ում իր ծննդյան 28-ամյակին «փուչիկ փարթի» անել: Նա իր ֆեյսբուքյան էջում լուսանկարներ է տարածել՝ ծննդյան ֆոտոսեսիայից՝ ԱԺ շենքի ֆոնի վրա:
Մենք նրանից հետաքրքրվեցինք՝ ի՞ր նախաձեռնությամբ է տարեդարձը փուչիկներով նշվել Ազգային ժողովում, թե՞ ընկերներն են նման անակնկալ մատուցել եւ արդյոք խորհրդարանում կա՞ նման ավանդույթ, թե՞ իր ծննդյան օրն այդ առումով բացառություն է:
Կարդացեք նաև
Ինեսսա Շահնազարյանը պատասխանել է. «Նման ավանդույթ չկա, իմ նախաձեռնությամբ է եղել»:
Սովորաբար ԱԺ անցագրային կետում մանրակրկիտ ստուգում են ելումուտ անողների պայուսակը, հեռախոսի էկրանը միացնել են տալիս, որ հանկարծ տեխնիկայի մեջ ռումբ ու վտանգավոր բաներ չտանեն ներս, ուստի հարցրեցինք՝ ինչպե՞ս են նրանց թույլ տվել փուչիկներ տանել: Պատասխանը սփոփիչ էր. «Փուչիկները եղել են չփչված վիճակում եւ հրավտանգ չեն եղել»:
Հաշվի առնելով այս շենքի կարեւորությունը մեր երկրի պետական, քաղաքական, կյանքում, հաշվի առնելով, թե ինչ մեծանուն գործիչներ են այս շենքում աշխատել ու արարել ու հիմա ինչպես են պատգամավորների օգնականները մոտենում խորհրդարանի նշանակությանը, չի բացառվում, որ շուտով ԱԺ այգու տարածքները կնունք ու նշանդրեք նշելու տեղ դառնան, ձմռանը կարելի է մաքուր օդին նույնիսկ խաշ ուտել՝ 3 մլն վարչապետերից մեկի օգնականի ծննդյան առիթով:
Հռիփսիմե ՋԵԲԵՋՅԱՆ
Հարգելի Առավոտ
Լուսանկարներում պատկերված փուչիկները վաճառվում են ԲԱՑԱՌԱՊԵՍ փչված վիճակում: հաստատ ձեր խմբագրությունում կան շատերը, որ նման փուչիկներ են գնել մի հազար անգամ: Պատգամավորի օգնականը սուտ է խոսում:
Եթե հաշվի առնենք, թե քանի փչող ագրեգատ կա ԱԺ-ում, ապա երիտասարդը, հնարավոր է, չի փչում: