Ազգային ժողովի արտահերթ նստաշրջանն ավարտեց աշխատանքները։ Խորհրդարանն ի թիվս քննարկված այլ նախագծերի, երկրորդ ընթերցմամբ եւ ամբողջությամբ ընդունեց նաեւ «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին օրենքի նախագիծը։
Ըստ այդմ՝ օրենքով նախատեսված 170 մլն խմ ջրի փոխարեն, ոռոգման նպատակով Սեւանից այս տարի բաց կթողնվի մինչեւ 240 մլն խմ ջուր։ Կառավարության անդամները սա հիմնավորում են նրանով, որ տարին սակավաջուր է, եւ ջրամբարներում անհրաժեշտ քանակի ջուր ամբարված չէ։ Նախագծին կողմ քվեարկեց 65, դեմ՝ 22 պատգամավոր։
ՏԿԵ փոխնախարար Վաչե Տերտերյանն ասել էր, որ ԳԱԱ Սեւանա լճի պահպանության փորձագիտական հանձնաժողովը քննարկումների արդյունքում բացասական եզրակացություն էր տվել Սեւանից հավելյալ ջրառի մասին կառավարության առաջարկին
Կարդացեք նաև
Ռոզա ՀՈՎՀԱՆՆԻՍՅԱՆ
