Հուլիսի 17-ին, ժ.14.45-ին Երեւան քաղաքի առաջին ատյանի ընդհանուր իրավասության քաղաքացիական դատարանում նշանակվել է Տիգրան Ավինյանն ընդդեմ լրագրող, մեկնաբան Դավիթ Սարգսյանի գործով նիստը:
Դատարանի մայիսի 2-ի որոշմամբ հայցադիմումը ընդունվել էր վարույթ:
Նույն օրը որոշում էր կայացվել հայցի ապահովման միջոց կիրառելու միջնորդությունը բավարարել մասնակի: Միջնորդությունը, որը ներկայացրել էր Երեւան քաղաքի քաղաքապետի տեղակալի ներկայացուցիչը, հետեւյալն էր. մինչեւ սույն գործով կայացվելիք դատական ակտի օրինական ուժի մեջ մտնելը 9000000 ՀՀ դրամ գումարի չափով արգելանք դնել պատասխանող «168 ժամ» ՍՊ ընկերությանը պատկանող անշարժ գույքի նկատմամբ եւ նույնքան՝ լրագրողին սեփականության իրավունքով պատկանող գույքի վրա։
Միջնորդությունը՝ «168 ժամ»-ին պատկանող դրամական միջոցների, շարժական գույքերի նկատմամբ արգելանքի կիրառման մասով մերժվել էր, լրագրողի մասով՝ բավարարվել:
Կարդացեք նաև
Հայցվորի ներկայացուցիչը մայիսի 16-ին եւ մայիսի 17-ին ներկայացրել է միջնորդություն, որով խնդրել է վերացնել պատասխանող Դավիթ Սարգսյանին պատկանող գույքի նկատմամբ կիրառված հայցի ապահովման միջոցը: Միջնորդությունը դատարանը բավարարել էր:
Ռուզան ՄԻՆԱՍՅԱՆ
«Առավոտ» օրաթերթ
11.07.2023
