«Հայաստանում բռնապետական ռեժիմ կառուցելու ճանապարհին նման ապօրինությունները կարծես սովորական են դարձել: Նման դրսեւորումները բավականին լայն են, այս մի դրսեւորումը խորհրդարանում է արտահայտվել: Դրանք հիմնազուրկ են, որեւէ փաստարկ չկա, որ կարող են նրանք այս գործընթացը պաշտպանել: Շարժառիթները բոլորին պարզ են, դրա համար առանց հարցի, քննարկումների այս գործընթացը փորձեցին սղղացնել»,- «Պատիվ ունեմ» խմբակցության քարտուղար Տիգրան Աբրահամյանն այսօր ԱԺ-ում լրագրողների հետ զրույցում այսպես մեկնաբանեց ԱԺ մարդու իրավունքների պաշտպանության եւ հանրային հարցերի հանձնաժողովի նախագահի պաշտոնից Թագուհի Թովմասյանին ազատելու ՔՊ-ի նախաձեռնության մասին:
Նա ասաց, որ «ԱԺ կանոնակարգ» օրենքը սահմանում է, թե ինչ համամասնությամբ պետք է բաշխվեն հանձնաժողովի նախագահի պաշտոնները, դա ընդդիմության քվոտան է: Իրենց խմբակցությունում քննարկել են ու որոշել են, որ որեւէ այլ թեկնածու չեն առաջադրելու:
Թե ինչու է ՔՊ-ն որոշել Թովմասյանին պաշտոնազրկել, պատճառը, ըստ Տիգրան Աբրահամյանի, վրեժխնդրությունն է, որն արտահայտեց Նիկոլ Փաշինյանն ԱԺ-ում:
Կարդացեք նաև
Հռիփսիմե ՋԵԲԵՋՅԱՆ
