«Նիկոլիստները ստեղծում են սպառողների հասարակություն, որտեղ իշխողը լինելու է գումարը եւ սոցիալական հարցերը… Ձեւ են բանեցնում ու իրենց յուրայինների ապահովությունը հրամցնում են իբրեւ համաժողովրդական արժեք: Սրանք հայ ժողովրդի համար որեւէ բան չեն արել եւ չեն էլ կարող անել»,- «Հայելի» ակումբում ասաց բանաստեղծ Խաչիկ Մանուկյանը:
«Բավականին շատ ժամանակ է անցել, որպեսզի կարողանանք եղածը իրատեսորեն գնահատել, թե ինչ ենք ունեցել… Ունեցել ենք պարտություն… Սրանց քաղաքական միտքն այնքան տկար էր, որ ամբողջ աշխարհի հանրությանը հանեցին մեր դեմ, այնքան տկար էին եւ ներքին, եւ արտաքին քաղաքական դաշտում, որ չկարողացան ստեղծել միասնականություն:
Իհարկե, նախկինում էլ կային սոցիալական հարցեր, անարդարություններ, բայց մեր ժողովուրդը չէր կարող պատկերացնել, որ արտաքին ուժերի դրդմամբ, դրսից է ուղղորդվում շատ բան…Սրանք գալիս էին հերթական անգամ տրորելու, ամուր համայնքը ոչնչացնելու, ինչը հաջողությամբ արել են, որեւէ հիշողություն պիտի չունենան, որեւէ արմատ պիտի չունենան, որպեսզի իրենց հեշտ քամու թեւերին տանեն ու կործանեն» ,-ասաց բանաստեղծը
Խաչիկ Մանուկյանն ընդգծում է. «Դուխովները հիմա իրենց գլխներից հանել են դուխով կեպիները, արդեն խաբեության այդ հատվածը չկա, չկա մյուս հատվածը, երբ ասում էին՝ վարչապետը դու ես…Ու հիմա այդ խաբկանքին կուլ գնացած խեղճ, հարիֆ ժողովուրդը այնքան էլ գլորվել անդունդը, որ ելք չի տեսնում, հուսահատ ասում է՝ սպանում եք, սպանեք, արդեն միեւնույն է» :
Կարդացեք նաև
Գոհար ՀԱԿՈԲՅԱՆ
