Մարտունի քաղաքի Մշակույթի տանը, որտեղ «Հայաքվեի» ստորագրահավաքն է ընթացել, այսօր միջադեպ է եղել: Հասարակական գործիչ Նաիրի Հոխիկյանը ականատես է եղել միջադեպին:
«Կոնկրետ մարդիկ մոտեցան հստակ ուղղորդված, պահանջեցին հեռացնել ստորագրահավաքը, շեշտեցին, թե որեւէ մեկը իրավունք չունի իրենց վարչապետին քննադատել, նման բաներ, անցան նույնիսկ վիրավորանքների: Ստիպված եղա ես ոստիկանություն հրավիրել, որ տվյալ անձանց հանդարտեցնի: Փորձեցին ստորագրահավաքի թղթերը խլել, թույլ չեմ տվել: Բայց, այնուամենայնիվ, տեղեկատվական թերթիկներ կարողացան ոչնչացնել, որոնք պաշտոնական փաստաթուղթ չեն համարվում»,- պատմեց Հոխիկյանը:
Նա շնորհակալություն հայտնեց այն մարտունեցիներին, որոնք, չնայած սադրանքներին, շարունակում են գալ ու քվեարկել:
Կարդացեք նաև
Հռիփսիմե ՋԵԲԵՋՅԱՆ
