Ռուսաստանի և Հայաստանի փոխարտգործնախարարներ Միխայիլ Գալուզինը և Վահե Գևորգյանը քննարկել են իրավիճակը Լաչինի միջանցքում և Ղարաբաղում։ Հանդիպման մասին հայտնում է Ռուսաստանի արտգործնախարարությունը` նշելով, որ զրույցը տեղի է ունեցել հուլիսի 7-ին։
«Մտքերի հանգամանալից փոխանակում է տեղի ունեցել Լաչինի միջանցքում և ընդհանուր առմամբ Լեռնային Ղարաբաղի շուրջ ստեղծված իրավիճակի շուրջ։ Վերլուծվել է Հայաստանի և Ադրբեջանի միջև խաղաղության համաձայնագրի վրա աշխատանքի ընթացքը։ Նշվել է հայ-ադրբեջանական հարաբերությունների կարգավորման բոլոր ուղղություններով ջանքերն ակտիվացնելու անհրաժեշտությունը՝ 2020-2022 թվականների բարձր մակարդակով եռակողմ համաձայնությունների փաթեթին համապատասխան»,- հայտնում է ՌԴ արտգործնախարարությունը:
Թարգմանությունը՝ Azatutyun.am-ի
