Հայաստանը պետք է դուրս բերի իր «զինվորականներին և ռազմականացված խմբավորումները Ադրբեջանի Ղարաբաղ շրջանից»: Նման հայտարարություն է արել Ադրբեջանի նախագահ Իլհամ Ալիևը, Բաքվում ելույթ ունենալով Չմիացած երկրների շարժման Համակարգող բյուրոյի արտգործնախարարների մակարդակով հանդիպմանը:
«Եթե Հայաստանն իսկապես շահագրգռված է տարածաշրջանում երկարաժամկետ խաղաղության հաստատմամբ, ապա նրա զինված ուժերը լիարժեք պետք է լքեն Ադրբեջանի Ղարաբաղ շրջանը: Հայ զինվորականները և ռազմականացված խմբավորումները տեղում պետք է զինաթափվեն և ապամոբիլիզացվեն»,- ասել է Ալիևը:
Նա նաև նշել է, որ թեև Հայաստանը ստիպված էր ճանաչել Ղարաբաղն Ադրբեջանի մաս, Ադրբեջանի տարածք, «մեր տարածքում, որտեղ ժամանակավորապես տեղակայված են ռուս խաղաղապահները, դեռ գտնվում են հայկական զինված ուժերի մնացորդներ»:
Բացի այդ, Ալիևը հայտարարել է, որ Հայաստանը խոչընդոտում է «Զանգեզուրի միջանցքի» բացմանը, ինչը Երևանի ստանձնած ևս մեկ պարտավորություն է, «որը բխում է 2020թ. նոյեմբերի 10-ին ստորագրած կապիտուլյացիայի ակտից, ուստի այն պետք է իրականացվի»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
