Ադրբեջանի նախագահ Իլհամ Ալիևը, Բաքվում ելույթ ունենալով Չմիացած երկրների շարժման Համակարգող բյուրոյի հանդիպմանը, Ֆրանսիային մեղադրել է գաղութարարության և «անջատողականներին աջակցելու» մեջ:
«Ֆրանսիան, որը կեղծավոր կերպով իրեն դիրքավորում է որպես մարդու իրավունքների և միջազգային իրավունքի պաշտպան, նախկինի պես միջամտում է այլ երկրների ներքին գործերին»,- ասել է Ալիևը:
Նրա խոսքով՝ վերջերս Մալիից և Բուրկինա Ֆասոյից ֆրանսիական զորքերի դուրսբերումը ևս մեկ անգամ ցույց տվեց, որ «Աֆրիկայում Ֆրանսիայի նեոգաղութարարության վրդովեցուցիչ քաղաքականությունը դատապարտված է ձախողման»:
«Ցավոք, Ֆրանսիան փորձում է նույն ամոթալի քաղաքականությունը պարտադրել նաև Հարավային Կովկասում՝ պաշտպանելով Ադրբեջանի Ղարաբաղ շրջանում հայ անջատողականներին և օգտագործելով աշխարհաքաղաքական դիմակայությունը, օտարերկրյա ռազմական ներկայությունը, օրիենտալիզմի գաղութարարական քաղաքականությունը»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
Լուսանկարում՝ Ֆրանսիայի եւ Ադրբեջանի ղեկավարների 2018 թվականի հուլիսի հանդիպումը
