Այս պահին 4 համայնքներ դեռեւս մերժում են տարածք հատկացնել «Հայաքվե» նախաձեռնությանը՝ ստորագրահավաք անցկացնելու համար։ Այս մասին «Սահմանադրության օրվա նախօրեին. հակասահմանադրական իրականություն» թեմայով պանելային քննարկման ժամանակ ասաց փաստաբան Արամ Օրբելյանը։ Նա նշեց, որ այդ համայնքների թվում են Դիլիջանն ու Սիսիանը։
«Եվ հիմա մենք հետամուտ ենք լինում այդ համայնքապետերին քրեական պատասխանատվության ենթարկելու հարցում։ Քննարկվեց վարչական պատասխանատվության հարցը, բայց ոչ, սա ուղղակիորեն հանցագործություն է, ժողովրդի իշխանության յուրացման ձեւ է։ Այդ համայնքապետարանները պարտավոր են իրենց քաղաքում բնակվող քաղաքացիներին տալ հնարավորություն, որ իրենք ստիպված չլինեն գնալ կողքի քաղաք, որպեսզի իրենց կարծիքն արտահայտեն։ Օրենքով է նախատեսված, որ այդ ստորագրահավաքը պետք է լինի համայնքապետարաններում, որպեսզի քաղաքացիները ստիպված չլինեն գնալ հատուկ տեղ ու իրականացնել այդ գործընթացը»,- ասաց նա։
Արամ Օրբելյանը նշեց, որ օրերս հետամուտ կլինեն, որ ստորագրահավաքն անցկացվի նաեւ շաբաթ ու կիրակի օրերին եւ ոչ աշխատանքային ժամերին, որովհետեւ դա նույնպես օրենքի պահանջ է։
Կարդացեք նաև
Ռոզա ՀՈՎՀԱՆՆԻՍՅԱՆ
