Բարձրագույն դատական խորհրդում այսօր թույլ չտվեցին լրագրողներին ներկա գտնվել դատավորներ Սամվել Թադեւոսյանին, Աստղիկ Խառատյանին, Արտակ Բարսեղյանին, Տիգրան Պետրոսյանին եւ Դավիթ Հարությունյանին կարգապահական պատասխանատվության ենթարկելու վերաբերյալ որոշման հրապարակմանը։
Կարգադրիչները փակել էին նիստերի դահլիճը մուտքը եւ թույլ չէին տալիս ներս մտնել։ Լրագրողների ահազանգին եւ հեռախոսազանգերին չէր արձագանքում նաեւ ԲԴԽ խոսնակը։ Կարգադրիչները պատճառաբանում էին, իբրեւ թե դահլիճում տեղ չկա, սակայն ակնհայտ էր, որ դահլիճում բավարար տեղ կար, որպեսզի օրինակ՝ օպերատորները ոտքի վրա կանգնած տեսալուսանկարահանեին։
Ավելի ուշ դատավոր Դավիթ Հարությունյանն էլ նշել է, որ դահլիճը դեպարտամենտի աշխատակիցներով էին լցրել։
Լրագրողների աշխատանքը խոչընդոտելու վերաբերյալ ԲԴԽ-ից հստակ պարզաբանում լրագրողները չստացան։
Կարդացեք նաև
Նելլի ԲԱԲԱՅԱՆ
