ՀՀ վարչական դատարանում Նախագահող դատավոր Լուսինե Բոյաջյան, դատավորներ Անի Չիլինգարյան, Ռուզաննա Ազրոյան կազմով կայացավ Էդգար Ղազարյանի հայցադիմումով դատաքննությունը ընդդեմ Երեւանի քաղաքապետարանի՝ ՀՀ քաղաքացի Էդգար Ղազարյանի 2023 թվականի հուլիսի 5-ին հավաք եւ երթ կազմակերպելու մասին իրազեկման վերաբերյալ 2023 թվականի հունիսի 26-ի թիվ 241 որոշումն անվավեր ճանաչելու պահանջի մասին։
Նիստի ավարտին Էդգար Ղազարյանը Aravot.am-ին ասաց․ «Կարծում եմ, որ մեր ներկայացրած փաստարկները հիմնավոր են, բխում են օրենքների պահանջներից։ Դատավարության ընթացքն էլ ցույց տվեց, որ քաղաքապետարանի դիրքորոշումները չափազանց թույլ են, իրավազուրկ՝ եւ իրավունքի տեսանկյունից, եւ բովանդակության, հիմնված են բացառապես Նիկոլ Փաշինյանին ենթակա մարմնի՝ ոստիկանության, ներկայացրած սահմանափակումների վրա, ինչը ցավալիորեն կիրառվել է նաեւ մեր կողմից ներկայացված նախորդ հանրահավաքների ժամանակ եւ երկու դեպքում էլ հաղթահարվել է դատարանի որոշմամբ»։
Դատարանը վճիռը կհրապարակի հուլիսի 1-ին ժամը 11։00-ին։
Կարդացեք նաև
Աշոտ ՀԱԿՈԲՅԱՆ
