Ֆրանսիայի ներքին գործերի նախարար Ժերալդ Դարմանենը Twitter-ում հայտնել է, որ հունիսի 30-ի գիշերը երկրում բերման է ենթարկվել 667 մարդ, որոնք մասնակցել են ոստիկանների կողմից 17-ամյա երիտասարդին սպանելուց հետո սկսված անկարգություններին:
Նշվում է, որ այդ թվի մոտ կեսը՝ մոտ 307 մարդ, ձերբակալվել են Փարիզում և դրա մերձակայքում: Ձերբակալվածների մեծ մասը 14-18 տարեկաններ են:
Ըստ Ֆրանսիայի ՆԳՆ-ի՝ ցույցերի երրորդ օրը տուժել է 249 ոստիկան և ժանդարմ, նրանք լուրջ վնասվածքներ չունեն:
Ֆրանսիայում անվտանգության ապահովման գործում գործի են դրվել իրավապահ մարմինների 40 հազար աշխատակիցներ, այդ թվում 5000-ը Փարիզում: Դրանով հանդերձ, ոստիկաններին չի հաջողվել կանխել բազմաթիվ կողոպուտներ և բախումներ, որոնք տեղի են ունեցել Ֆրանսիայի տասնյակ քաղաքներում:
Կարդացեք նաև
Ֆրանսիայի նախագահ Էմանուել Մակրոնը պատրաստվում է այսօր երկրորդ անգամ վերջին երկու օրվա ընթացքում անցկացնել կառավարության արտահերթ նիստ:
Ֆրանսիայում ցույցերն ու անկարգությունները սկսվել են այն բանից հետո, երբ հունիսի 27-ի առավոտյան Նանտերե արվարձանում ոստիկանները ձերբակալելիս սպանեցին 17-ամյա Նաէլ Մ.-ին:
Պատրաստեց Վիկտորյա ԱՆԴՐԵԱՍՅԱՆԸ
