Բարձրագույն դատական խորհուրդը հեռացավ խորհրդակցական սենյակ՝ որոշում կայացնելու դատավորներին կարգապահական պատասխանատվության ենթարկելու վերաբերյալ Արդարադատության նախարարության միջնորդության վերաբերյալ։ ԲԴԽ նախագահ Կարեն Անդրեասյանն ասաց, որ որոշումը կհրապարակվի հուլիսի 3-ին՝ ժամը 11։15-ին։
ԲԴԽ-ն այսօր քննարկեց Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանին եւ Տիգրան Պետրոսյանին կարգապահական պատասխանատվության ենթարկելու վերաբերյալ Արդարադատության նախարարության միջնորդությունը։ Կողմերը եզրափակիչ ելույթներ ունեցան։
Նշենք, որ դատավորների նկատմամբ կարգապահական վարույթ հարուցելու միջնորդության հիմք է հանդիսացել Մարդու իրավունքների Եվրոպական դատարանի՝ «Շոլց ԱԳ» ընկերությունն ընդդեմ Հայաստանի» գործով՝ 2019 թվականին հրապարակված վճիռը։ Ըստ արդարադատության նախարարի միջնորդության՝ ՄԻԵԴ վճռի ուսումնասիրության արդյունքում առերեւույթ կարգապահական խախտման հատկանիշներ պարունակող արարքներ են հայտնաբերվել։
Ռոզա ՀՈՎՀԱՆՆԻՍՅԱՆ
