Հարգելի պարոն Թովմասյան,
«Միասին» այլընտրանքային հասարակական-քաղաքական շարժման անունից Ձեզ ենք հայտնում մեր լիակատար զորակցությունը գերվտանգավոր այս իրավիճակում, սգում և ցավակցում ենք զոհերի հարազատներին և ողջ արցախահայությանը։
Իրավիճակի հանգուցալուծման ակնկալիքով Ձեզ ենք ուղարկում մեր օրենսդրական նախաձեռնության առաջարկը՝ «Արցախի Հանրապետության՝ իբրև անկախ միջազգային սուբյեկտի կարգավիճակը ժխտող պաշտոնյաների գրավոր ու բանավոր հայտարարությունների քրեականացման մասին օրենք»։ Համոզված ենք, որ այս իրավիճակում կանխարգելիչ արտակարգ քայլեր են պետք։
Նախագիծ
Արցախի Հանրապետության՝ իբրև անկախ միջազգային սուբյեկտի կարգավիճակը ժխտող պաշտոնյաների գրավոր ու բանավոր հայտարարությունների քրեականացման մասին օրենք
Կարդացեք նաև
1.Արցախի Հանրապետության և նրա կարգավիճակի մասին որոշում ընդունելը և դրա վերաբերյալ հայտարարություններ կատարելը ԱՀ Ազգային ժողովի բացառիկ իրավունքն է, որը նրան պատվիրակել են ԱՀ ընտրողները։
2.Արցախի Հանրապետության ինքնորոշման իրավունքի լիակատար իրացման փաստը ժխտող գրավոր ու բանավոր հայտարարությունների հեղինակները Արցախի Հանրապետության տարածքում ենթակա են քրեական պատասխանատվության ։
Օրենքի ընդունումից հետո ԱՀ ԱԺ-ն ապահովում է սույն օրենքի կատարման համար անհրաժեշտ են օրենսդրական ակտերի ընդունումը ԱՀ կառավարության կողմից։
«Միասին» շարժում
