«Կոնկրետ ՌԴ դեսպանատնից արձագանք կա: Առաջիկա ժամերին ցույցի մասնակիցների կողմից գրավոր պահանջ է լինելու, դեսպանատնից պատրաստակամություն են հայտնել, որ կհանդիպեն ու կվերցնեն այն»,- այսօր լրագրողների հետ զրույցում ասել էր ՀՅԴ ԳՄ ներկայացուցիչ Իշխան Սաղաթելյանը:
Հիշեցնենք, որ այսօր ՀՅԴ Հայաստանի Գերագույն մարմինը նախաձեռնել է 24 ժամյա նստացույց՝ ՀՀ-ում ԱՄՆ-ի, Ռուսաստանի Դաշնության, Ֆրանսիայի Հանրապետության դեսպանատների եւ ԵՄ ներկայացուցչության դիմաց՝ հորդորելով ԵԱՀԿ Մինսկի խմբի համանախագահ երկրներին եւ ԵՄ-ին չբավարարվել հայտարարություններով, այլ գործուն քայլեր ձեռնարկել Ադրբեջանի կողմից Արցախի շրջափակումն անհապաղ վերացնելու ուղղությամբ։
Ավելի ուշ «Հայաստան» խմբակցության պատգամավոր Գեղամ Մանուկյանը ՌԴ դեսպանատան մոտ նստացույցի ժամանակ տեղեկացրեց, որ բողոքի գործողություների մասնակիցների համակարգված փաստաթուղթ են փոխանցել դեսպանատանը եւ ստացել խոստում, որ այն կտան ղեկավարությանը. «ՌԴ դեսպանատան ներկայացուցիչներին ասացինք՝ բավական է կրավորական կեցվածք ունենան, ռուս խաղաղապահներն ու ռուսական կողմը պետք է շատ ավելի կտրուկ գործողությունների դիմեն՝ այս իրավիճակը շտկելու, որովհետեւ նոյեմբերի 9-ի փաստաթղթի ստորագրող կողմերից մեկը ՌԴ-ն է»:
Կարդացեք նաև
Հռիփսիմե ՋԵԲԵՋՅԱՆ
