«Ակնկալում ենք առաջընթաց, և ՀՀ-ի դիրքորոշումն այն է, որ մենք ուզում ենք ունենալ խաղաղության պայմանագրի այնպիսի տեքստ, որը կբխի մեր շահերից և հնարավոր կլինի ստորագրել»,- փաստմանը՝ ՀՀ ԱԳ նախարար Արարատ Միրզոյանը մեկնել է Վաշինգտոն մասնակցելու Ադրբեջանի և ՀՀ-ի միջև հարաբերությունների կարգավորման հերթական փուլին և հարցին՝ ի՞նչ ակնկալիքներ ունեք, ՀՀ ԱԺ-ում հրավիրված ԵԽԽՎ-ում հայկական պատվիրակության մամուլի ասուլիսի ժամանակ պատասխանեց ԵԽԽՎ-ում հայկական պատվիրակության ղեկավար Ռուբեն Ռուբինյանը։
Նա նաև նշեց․ «Կան հարցեր, որոնց շուրջ կան տարաձայնություններ, բայց կան հարցեր, որոնց շուրջ կան արդեն համաձայնություններ, բայց գլխավոր հարցերի շուրջ տարաձայնությունները շարունակում են մնալ։ Ակնկալիքն այդ բանակցություններից այն է, որ հնարավոր կլինի ևս մի քանի քայլով մոտեցնել դիրքորոշումները»։
Հարցին՝ ԵԽԽՎ-ն նման պրակտիկա ունի՞, որ եթե բանաձևի կետը չի իրագործվում, ԵԽԽՎ-ն անդրադառնա այդ հարցին, ունի՞ գործիքակազմ, Ռուբեն Ռուբինյանը պատասխանեց․ «ԵԽ-ն տարբեր գործիքներ ունի՝ թե ԵԽԽՎ-ն, թե Նախարարների կոմիտեն։ Մենք աշխատելու ենք, որ նրանք հետևեն, տեսնեն, թե բանաձևի որ մասն է իրագործվել։ Մենք աշխատում ենք, որ ԵԽ-ն փաստահավաք խումբ ուղարկի Լաչինի միջանցք։ ԵԽԽՎ այս բանաձևը ևս մեկ լծակ է մեզ տալիս այս ուղղությամբ աշխատելու համար»։
Կարդացեք նաև
Տաթև ՀԱՐՈՒԹՅՈՒՆՅԱՆ
