Aravot.am-ի տեղեկություններով՝ hունիսի 16-ին ՀՀ դատախազության Գեղարքունիքի մարզի դատախազությունից գրության ստացվել է ՀՀ գլխավոր դատախազին այն մասին, որ այս տարվա ապրիլի 15-ին Գեղարքունիքի մարզի բնակիչ Ս.Գ.-ն դիմել է ՀՀ աշխատանքի և սոցիալական հարցերի նախարարության «Վարդենիսի նյարդահոգեբանական տուն-ինտերնատ» ՊՈԱԿ-ի տնօրենի թափուր պաշտոնը զբաղեցնելու համար անցկացվող մրցույթին, սակայն օրեր անց՝ ապրիլի 18-ին, ստացվել է պատասխան, համաձայն որի ներկայացված մասնագիտական աշխատանքային ստաժը չի բավարարում սահմանված պահանջներին:
Կատարված ստուգողական գործողությունների արդյունքում Ս. Գ.-ն հրավիրվել է ոստիկանություն և հաղորդում է ներկայացրել այն մասին, որ ապրիլի 15-ին, ապրիլի 20-ին և հունիսի 1-ին դիմել է ՀՀ աշխատանքի և սոցիալական հարցերի նախարարության «Վարդենիսի նյարդահոգեբանական տուն-ինտերնատ» ՊՈԱԿ-ի տնօրենի թափուր պաշտոնը զբաղեցնելու համար անցկացվող մրցույթին, սակայն նշված նախարարության գլխավոր քարտուղար Ս. Մ.-ն, ըստ հաղորդման, կեղծիքներ կատարելով չի թույլատրել իրեն մասնակցել այդ մրցույթին, իր աշխատանքային մասնագիտական ստաժը չհամապատասխանելու պատճառաբանությամբ, սակայն իր պնդելով իր աշխատանքային ստաժը և մասնագիտությունը բավարարում են:
Էդվարդ ԱՐԶՈՒՄԱՆՅԱՆ
Կարդացեք նաև
