Այսօր ԱԺ Մարտու իրավունքների պաշտպանության եւ հանրային հարցերի հանձնաժողովում քննարկում էր կազմակերպվել «Մարդու իրավունքների պաշտպանությունը Երեւանի քաղաքապետարանի գործունեության համատեքստում» թեմայով:
«Արարատշին» ընկերության տնօրեն Գագիկ Թովմասյանն ասաց՝ ստացվում է այնպես, որ Հայաստանը Երեւանն է, Երեւանն էլ Կենտրոն համայնքն է, դրանից դուրս` խնդիրները չեն լուծվում. «Ամիսը 90 հազար դրամ գումար եմ վճարում աղբահանության համար, բայց աղբաման չունենք: Երբ որ դիմում ենք, ասում ենք՝ գումարը չենք տալու, ասում են՝ բա աղբը ո՞ւր ես թափում: Նախիջեւան: Տանում եմ հետս Արարատ, այնտեղից Սադարակից նորից հետ եմ բերում: Հո այսպես չի՞ լինի: Բաբաջանյան փողոցի վրա արդեն մի տարի է՝ չենք կարողանում մի աղբաման դնել: Ով քաղաքապետ է ուզում դառնա, թեկնածու է՝ մետրո է սարքում, հա, բայց 5 տարի է՝ 300 մետր ճանապարհ չեն կարողանում սարքեն Բաբաջանյան փողոցի վրա: Ես այդ տարածքում գույքահարկ եմ վճարում, արդեն 5 տարի է՝ եթե այդ տարածքը չաշխատեց, փողը չեմ կարողանալու տալ: Եկեք գնանք նայենք, մարդ չկա աշխատող, հետեւողականություն չկա: Մի քանի օր առաջ Շամշյանն էր եկել, լավ է Շամշյանը կա, մեկ էլ իրեն ենք կարողանում մի երկու-բան ասել»:
Ի պատասխան՝ փոխքաղաքապետ Սուրեն Գրիգորյանն ասաց, որ հիմա աղբահանությունը ավելի լավ է կատարվում, քան «Սանիտեք» ընկերության ժամանակ:
Կարդացեք նաև
Հռիփսիմե ՋԵԲԵՋՅԱՆ
