Պաշտոնական Բաքուն անհրաժեշտություն չի տեսնում անվտանգության լրացուցիչ երաշխիքներ տրամադրել «Ադրբեջանի Ղարաբաղ շրջանում ապրող հայերին», և Երևանի համապատասխան հայտարարությունը գնահատում է որպես միջամտություն իր ներքին գործերին: Այս մասին հայտարարել է Ադրբեջանի արտգործնախարար Ջեյհուն Բայրամովը Reuters-ին տված հարցազրույցում:
«Մենք չենք ընդունում այդպիսի նախապայման… մի շարք պատճառներով: Հիմնական պատճառն այն է, որ դա ներքին հարց է: Ադրբեջանի սահմանադրությունը և մի շարք միջազգային կոնվենցիաներ, որի մասնակիցն Ադրբեջանն է, ապահովում են անհրաժեշտ բոլոր պայմանները՝ երաշխավորելու բնակչության այդ հատվածի իրավունքները»,- ասել է Բայրամովը:
Նրա խոսքով՝ հայ բնակչությունը «ադրբեջանական հանրության մեջ վերաինտեգրման շրջանակում» կպահպանի իր լեզուն, մշակույթը, կրթություն կստանա մայրենի լեզվով, «ինչպես որ Ադրբեջանի մյուս էթնիկ փոքրամասնությունները»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
