Արցախում կան հիվանդներ, որոնց բուժումը հնարավոր է բացառապես Հայաստանում։ Ստեփանակերտի հիվանդանոցը հագեցած է, ունի լավ մասնագիտական թիմ, բայց կան նեղ մասնագիտական ուղղություններ, որոնք հնարավոր է սպասարկել միայն Երևանում։ Այս մասին այսօր կառավարության նիստից հետո՝ լրագրողների հետ զրույցում ասաց առողջապահության նախարար Անահիտ Ավանեսյանը։
Նրա խոսքով, բոլոր գերատեսչությունները հնարավոր ամեն ինչ անում են, որպեսզի Արցախում առկա իրավիճակը հանգուցալուծվի, մարդկանց, դեղորայքի և ապրանքների բնականոն տեղաշարժը վերականգնվի։
«Հումանիտար իրավիճակը, իհարկե, ժամ-ժամ սրվում է, որովհետև պաշարները սպառվում են, բացի դրանից, երբ որ հետաձգում են պլանային բժշկական օգնությունը, կարիքները չեն սպասարկվում, արդեն դառնում է անհետաձգելի կարիք»,- նշեց նա։
Ավանեսյանը հավաստիացրեց, որ իրենք ամենօրյա կապի հետ Արցախի գործընկերների հետ, համագործակցում են տեղի միջոցները շատ խիստ կերպով օգտագործելու համար։
Կարդացեք նաև
«Ինչքան երկարի ճանապարհի փակումը, այդքան հիվանդների թվի մեծացումն ավելի հավանական է որևէ թիվ չեմ հնչեցնի, քանի որ այդ թիվն անընդհատ փոփոխվում է»,- ընդգծեց նա:
Լուսինե ՄԱՐԳԱՐՅԱՆ
Մանրամասները՝ շուտով տեսանյութում
