Ես ահազանգեր եմ ստանում, որ պետական հիմնարկներում դեռևս կանխիկ վճարումներ են իրականացվում, հայտարարեց Նիկոլ Փաշինյանն այսօր կառավարության նիստում, երբ ներկայացվում էր անկանխիկ եղանակով վճարումներից կենսաթոշակառուներին հետվճար տրամադրելու հարցը:
«Մեր փոխվարչապետներին, նախարարներին, գործընկերներին ես կխնդրեմ, որ բացառեք որևէ կանխիկ վճարման ընդունումը, ընդ որում` տերմինալներով վճարումը մենք պայմանական անկանխիկ էինք համարում, սակայն դա նույնպիսի կանխիկ վճարում է։ Կանխիկ վճարումն այն է, որ մարդն այդ ընթացքում կանխիկ թղթադրամին ֆիզիկապես կպնում է»,– հայտարարեց նա։
Նա բոլոր գերատեսչություններին երեք ամիս ժամանակ տվեց, որպեսզի այդ խնդիրները լուծվեն. «Եթե որևէ պետական գերատեսչությունից լսեցի, որ այնտեղ քաղաքացին պետական գործառույթ իրականացնելիս թղթադրամի կպնում է ֆիզիկապես, դա նշանակում է, որ իմ հանձնարարականը կատարված չէ: Էս հարցը լուծեք»,-ասաց Փաշինյանը:
Կարդացեք նաև
Լուսինե ՄԱՐԳԱՐՅԱՆ
