Ի՞նչ իրավիճակ է սահմանում, վերջին 3 օրերին ադրբեջանական լկտի պահվածքը ի՞նչ նպատակ է հետապնդում Երասխում, Տեղում, Հակարիի կամրջի մոտ: Այսօր այս հարցերին ի պատասխան՝ ԱԺ-ում ՊՆ նախարար Սուրեն Պապիկյանն ասաց, որ ուզում են ցույց տալ, թե ՀՀ-ն ունի ապակառուցողական մոտեցում եւ հրադադարի ռեժիմը խախտում է. «Այսօրվա դիպվածը առավել ես կապում եմ նաեւ այս օրվա հետ՝ հաշվի առնելով, որ այսօր ՀՀ-ում պետական խորհրդանիշների օրն է նշվում, իրենք փորձել են այս ձեւով եւս մեկ անգամ ի ցույց դնել իրենց սադրիչ էությունը, բայց ի պատիվ մեր սահմանապահների գործողությունների, նրանց նպատակը չի իրագործվել: Ցավոք, կա մեկ հոգի դիպուկահարի կողմից վիրավոր, իրենք եւս հայտնել են վիրավորի մասին»:
Հռիփսիմե ՋԵԲԵՋՅԱՆ
