ԱԺ նիստում բյուջեի կատարողականի քննարկման ժամանակ ՔՊ խմբակցության պատգամավոր Խաչատուր Սուքիասյանն արձագանքեց ընդդիմադիր պատգամավորների հայտարարություններին։
«Դուք անցած տարի միտինգ էիք անում, որով, իմ աչքով, տասնյակ միլիոն դոլարների վնաս տվեցիք, հարյուրավոր, հազարավոր մարդիկ չեղարկեցին իրենց ամրագրումները հյուրանոցներում, այդ գումարները չեկան Հայաստան։ Բայց սիրուն փողոցներում քայլում էիք, պարում էիք, չէիք մտածում, որ սնանկ պետությունը չի կարա իրան պաշտպանի։ Իսկ եթե ուզում եմ քեզ պաշտպանես, տեխնոլոգիա ունենաս, ռազմական նորարարություններով զբաղվես, դրա համար գումար է պետք, տնտեսություն է պետք։ Տնտեսությունը երբ ես ունենում, երբ ունենում ես քաղաքական կամք։ Դուք քաղաքական կամք չեք ունեցել, դրա համար ամբողջ պատմության մեջ հավաքել եք 2․5 մլրդ-ին համարժեք դրամ։ Այն գործիքներն, որոնք օգտագործում է այս կառավարությունը, շարունակական աճ է ապահովում, հիմա ի՞նչ եք ուզում։ Ես ձեր ելույթներից մի բան հասկացա՝ ինչքան լավ բանի մասին խոսում ենք, ինչ-որ վատ բան եք ուզում գտնել»,- ասաց նա։
Խաչատուր Սուքիասյանը հավելեց․ «Դուք շատ լավ բան ասացիք՝ եկեք այս թշնամական մթնոլորտը վերացնենք։ Այստեղ ասում եք՝ գանք սպանենք, էն մեկը չգիտեմ ինչ է ասում։ Հիմա դու պատկերացնո՞ւմ եք, ձեր էն գործիքները, որ նախկին իշխանությունները կիրառում էին՝ կիսաչգիտեմինչական, բա որ մենք սկսենք էդ գործիքները կիրառել, խելոք մնացեք։ Դուք լավ գիտեք հին գործիքը ո՞րն է, էսօր մի մարդու նեղացնո՞ւմ են»։
Կարդացեք նաև
Ռոզա ՀՈՎՀԱՆՆԻՍՅԱՆ
